 |
| Nikola Tesla |
ကျွန်တော်ဟာ လူငယ်လေးတစ်ယောက်ပါ။ နယူးယောက် မြို့ကို အလုပ်လုပ်ဖို့ ရောက်လာတယ်။
ကျွန်တော့်ဘ၀ က ဆိုးပါတယ်။ တစ်ခါမှ မရောက်ဖူးတဲ့နေရာကို လာတာ လမ်းမှာ အထုတ်တွေ အကုန် အခိုးခံခဲ့ရတယ်။ ခု ကျွန်တော့်ဆီမှာ ရှိတာ အ၀တ်တစ်ထည် ကိုယ်တစ်ခု၊ ကဗျာစာအုပ်လေးတစ်အုပ်နဲ့ စာတစ်စောင်ပါ။ ကျွန်တော့်အရင် အလုပ်ရှင်ရဲ့ ထောက်ခံချက်နဲ့ သောမက်စ်အက်ဒီဆင် ကုမ္ပဏီမှာ အလုပ်လုပ်တော့မယ်။
ကျွန်တော် ဘာမှ မမက်ပါဘူးဗျာ။ ဒီကမ္ဘာကြီး ပိုကောင်းလာအောင်ပဲ ကြိုးစားပေးသွားချင်တာပါ။ ကျွန်တော့်အလုပ်ရှင်အက်ဒီဆင် ထွင်ထားတဲ့ ဒိုင်နမိုကို ပိုကောင်းအောင် လုပ်ပေးချင်တယ်။ သူ့ကို ခွင့်တောင်းတာပေါ့။ သူက ပြောတယ်။ အောင်မြင်ရင် ဒေါ်လာ ငါးသောင်း ပေးမယ်တဲ့။ ကျွန်တော် အဲ့ဒါကို မကြားပါဘူး။ ကျွန်တော်ကြားတာ သူ့ကုမ္ပဏီရဲ့ဒိုင်နမိုမော်ဒယ်ကို ပြင်ခွင့်ပေးလိုက်တဲ့စကားပါပဲ။ ကျွန်တော် တစ်ရက်ကို ၂ နာရီပဲ အိပ်ပြီး ၄ လကြာ ကြိုးစားခဲ့ပါတယ်။ အောင်မြင်ခဲ့ပါတယ်။ ကျွန်တော်တို့ ကုမ္ပဏီကြီးလဲ အမြတ်ငွေတွေ အများကြီးရတာပေါ့ဗျာ။ ကျွန်တော် ပျော်ပါတယ်။ အက်ဒီဆင် က ကျွန်တော့်ကို ဘာမှ မပြောဘူး။ ပြုံးပြခဲ့ပါတယ်။
ကျွန်တော် စားဝတ်နေရေးကျပ်တည်းလားပြီဗျာ။ ကျွန်တော် အစာမှန်မှန်စားဖို့ ပိုက်ဆံလိုလာပြီ။ ကျွန်တော် ဘာလုပ်ရင် ကောင်းမလဲ။ သြော် သတိရပြီ။ အက်ဒီဆင်က ဒေါ်လာ ငါးသောင်းပေးမယ် ပြောထားတာပဲ။ ကျွန်တော် သွားတောင်းခဲ့ပါတယ်။ အက်ဒီဆင်က ကျွန်တော့်ကို ကြည့်၊ ရယ်ပြီးတော့ စကားတစ်ခွန်းပဲ ပြန်ပြောခဲ့ပါတယ်။
“Tesla, you don’t understand our American humor.”
ကျွန်တော် ဘာဆက်လုပ်ရ မလဲဗျာ။ မတတ်နိုင်ပါဘူး။ လုပ်ငန်းရှင် တစ်ယောက်က သူထောက်ပံ့ပေးမယ်ပြောတာနဲ့ ကျွန်တော် အက်ဒီဆင်ရဲ့ ကုမ္ပဏီက ထွက်ပြီး ကျွန်တော့် နာမည်နဲ့ ကုမ္ပဏီ တစ်ခုထောင်ခဲ့ရပါတော့တယ်။
ကျွန်တော် ဒီစီ စနစ်ကို သိပ်မကြိုက်ဘူးဗျာ။ ဂျင်နရေတာ ရှိတဲ့နေရာနဲ့ အနီးတစ်ဝိုက်ပဲ လျှပ်စစ်ရတယ်။ ဒီပုံအတိုင်းဆို ဂျန်နရေတာထားဖို့ မလွယ်တဲ့ နေရာတွေမှာဆို လျှပ်စစ်မရနိုင်ဘူး။ ဂျန်နရေတာတွေ အများကြီး နေရာတိုင်းမှာထားနေရလိမ့်မယ်။ ကျွန်တော်က တစ်ကမ္ဘာလုံး အနာဂတ်မှာ လင်းလက်နေစေချင်တာဗျ။ တစ်ကမ္ဘာလုံး လျှပ်စစ်ကို အဆင်ပြေပြေ သုံးစေချင်တာ။ ကျွန်တော် အေစီ စနစ်ကို စမ်းသပ်အောင်မြင်သွားပါပြီ။ ဟော… ဟိုး အဝေးကြီးမှာ ရှိတဲ့ နေအိမ်တွေကို မီးပေးလို့ ရပြီဗျာ။ အိမ်တိုင်းလိုလို ကျွန်တော့် အလုပ်ရှင်ဟောင်း အက်ဒီဆင်ထွင်ပေးတဲ့ မီးသီးလေးတွေကို ဖွင့်ပြီး စာဖတ်နေကြပြီ။ ကျွန်တော် အရမ်း ၀မ်းသာပါတယ်။
ကျွန်တော် ပိုက်ဆံ အပိုအရှန် တကယ်မရှိပါဘူး။ ကျွန်တော့်မှာ စီးပွားရေးလုပ်ငန်းရှင်တွေက ထောက်ပံ့ပေးနေတဲ့ ပိုက်ဆံပဲရှိပါတယ်။ လုံလောက်တယ်လေ။ ကျွန်တော် လိုအပ်တာက ကျွန်တော် တစ်ရက်စားဖို့ နဲ့ လူတွေကောင်းကျိုးအတွက်၊ ကမ္ဘာကြီးပိုမို ကောင်းမွန်လာဖို့အတွက် တီထွင်နေဖို့ ပါပဲ။ ဒီလိုနဲ့ ကျွန်တော့်မှာ ကျွန်တော့်ကို ထောက်ပံ့ပေးတဲ့ လုပ်ငန်းရှင်တွေကိုပဲ တစ်ချိန်လုံး တောင်းတောင်းပန်ပန်နဲ့ ပြောနေရတာပေါ့ဗျာ။ ကျွန်တော် အသစ်တစ်ခု တီထွင်ဖို့ စဉ်းစားမိပြီဆိုတိုင်း။
ကျွန်တော် ရေဒီယို ထွင်ကြည့်တယ်ဗျ။ ဒါပေမယ့် မှတ်ပုံမတင်လိုက်ရဘူး။ ဒီပစ္စည်းကိုလဲ လူတွေ သိပ်စိတ်မ၀င်စားဘူးထင်တယ်။ ဒါပေမယ့် ကျွန်တော် အံ့သြသွားတယ်။ ကြည့်လေ။ ကျွန်တော့်နောက် ၁၃ နှစ်လောက်မှာ မာကိုနီ ဆိုတဲ့ တီထွင်သူတစ်ဦးက ကျွန်တော့် ရေဒီယိုကို အနည်းငယ်ပြင်ဆင်ပြီး မှတ်ပုံတင်လိုက်တယ်။ ဟော.. သူ့ကို ရေဒီယို ထွင်လို့တဲ့ နိုဘယ်လ်ဆု ဆိုလား ဘာလား ပေးလိုက်တယ်တဲ့။ ၀မ်းသာပါတယ်။ ကျွန်တော် တွင်တွင်ကျယ်ကျယ်မလုပ်နိုင်ခဲ့တာကို သူက လုပ်သွားတဲ့အတွက် အဲ့ပစ္စည်းလဲ တစ်ကမ္ဘာလုံး အသုံးပြုကြတော့မှာပေါ့။
ကျွန်တော် coil တစ်ခုကို ထွင်ကြည့်တယ်ဗျ။ အလုပ်ကောင်းကောင်းလုပ်တယ်။ အားလုံးအဆင်ပြေတယ်။ အောင်မြင်ပြီဗျာ။ အောင်မြင်ပြီ။ ခင်ဗျား အိမ်နောက်ဖေးမှာ လျှပ်စစ်လက်ခံတဲ့ ဂျင်နရေတာလေးတစ်လုံးရှိတာနဲ့ ခင်ဗျားတို့ လျှပ်စစ်ကို အခမဲ့ သုံးနိုင်တော့မယ်။ ဟောကြည့်… ၂၅ မိုင်အကွာမှာ ရှိတဲ့ မီးသီးလုံး ရာပေါင်းများစွာ လင်းလက်နေပြီဗျာ။ ကျွန်တော် ၀မ်းသာလိုက်တာ။ တစ်ကမ္ဘာလုံး လျှပ်စစ်ကို အခမဲ့ သုံးနိုင်တော့မယ်။
ဗျာ…။ ကျွန်တော့်ကို ဆက်မထောက်ပံ့တော့ဘူး ဟုတ်လား။ ဘာလို့လဲဗျာ။ ဘာ..။ ဒီစမ်းသပ်မှု မအောင်မြင်ရင်လဲ ခင်ဗျားတို့ အရှုံးပေါ်မယ်။ အောင်မြင်ရင်လဲ အခမဲ့ ဖြန့်ဝေတော့မှာ ဆိုတော့ ပိုက်ဆံ မရဘူး။ ဟုတ်လား။ အဲ့အတွက် ကျုပ်ကို ဆက်မထောက်ပံ့တော့ဘူး။ ဟုတ်လား။ ခင်ဗျားတို့ဗျာ။ တစ်ကိုယ်ကောင်း သိပ်ဆန်တယ်။ ဒီ စီမံကိန်း၊ ဒီစာတမ်းကို ကျွန်တော် အမှိုက်ပုံးထဲ လွှင့်ပစ်ရတော့မှာလားဗျ။
မတတ်နိုင်တော့ပါဘူးဗျာ။ ကျွန်တော်လဲ ဒီလိုပဲ တစ်ကိုယ်တော် တစ်ယောက်တည်းပဲ ကမ္ဘာကြီးအတွက် တီထွင်နေရတော့တာပေါ့။ နောက်ပိုင်း ထွင်နိုင်ပါတယ်။ ရေဒီယို၊ ရေဒါ၊ X-ray၊ ရေအားလျှပ်စစ်၊ Cryogenicsengineering၊ Transistor၊ ငလျင်တိုင်းစက်၊ နီယွန်မီးများ၊ မော်ဒန်အလက်ထရစ်မော်တာ၊ ၀ိုင်ယာလက်စ် ဆက်သွယ်မှုတွေ စသဖြင့်ပေါ့။ ကမ္ဘာ့အပြင်ဘက်က ရေဒီယိုလှိုင်းများကို ကျွန်တော် ဖမ်းကြည့်နိုင်ပြီ။ကမ္ဘာကြီးရဲ့ reasonance frequency ကို စတင်တွေ့ရှိပြီ။ အက်ဒီဆင် ရဲ့ ကုမ္ပဏီကြီးမှာ ထုတ်ကုန်အသစ်တွေ တွင်တွင်ကျယ်ကျယ် ရောင်းချနေတဲ့ အချိန်မှာ ကျွန်တော့်မှာ လက်ထောက်အကူ ၆ ယောက်လောက်နဲ့ စမ်းသပ်ခန်းငယ်လေးထဲမှာပဲ အချိန်တွေကို ကုန်စေတာပေါ့ဗျာ။
ကျွန်တော် အသက်မငယ်တော့ဘူးဗျ။ နေထိုင်ရတာ အားအင် ချည့်နှဲ့နေသလိုခံစားရတယ်။ ပိုက်ဆံလဲ သိပ်မရှိဘူး။ ကျွန်တော်မှာ အဖော်လဲ မရှိဘူး။ အိမ်ထောင်လဲ မရှိဘူးလေ။ ကျွန်တော့်ဘ၀ နေ၀င်ချိန်တွေကို တစ်ယောက်တည်း ဖြတ်သန်းရတော့မှာပေါ့။ အော် မေ့လို့။ ကျွန်တော်အရမ်းချစ်တဲ့ ခိုကလေးတစ်ကောင်တော့ရှိတယ်ဗျ။ သူ့ကို ကျွန်တော် တအားချစ်တယ်။ ယောက်ျားတစ်ယောက်က သူ့ချစ်သူကို ချစ်တဲ့ အချစ်မျိုးနဲ့ချစ်တာ။
၁၉၄၃ ခုနှစ်ပါ။ နယူးယောက်မြို့က New Yorker ဟိုတယ်၊ အခန်းနံပါတ် ၃၃၂၇ မှာ ကျွန်တော်တစ်ယောက်တည်းနေနေပါတယ်။ ကျွန်တော် သိပ်ကြာကြာနေရတော့မယ် မထင်ဘူးဗျ။ လူမသိသူမသိ ဒီလောကထဲ ၀င်လာခဲ့သလို လူမသိသူမသိပဲ ကျွန်တော် ဒီလောကထဲက ထွက်သွားချင်တယ်။ ဒီတော့ တံခါးဝမှာ “Do Not Disturb” ဆိုပြီး စာလေး ကပ်ထားလိုက်တယ်။
ဇန်န၀ါရီလ ၇ ရက်နေ့၊ ၁၉၄၃ ခုနှစ်မှာပေါ့။ ကျွန်တော် ဒီလောကကြီးကို နှုတ်ဆက်ဖို့ အချိန်ကျလာပါတယ်။ ကျွန်တော်သွားတော့မယ်ဗျာ။ ကိုယ့်ကိုကိုယ် တစ်ယောက်တည်းပြောနေတာပါ။ အော်.. ကျွန်တော် တော်တော် အထီးကျန်တာပဲ။ ကြည့်ဦးဗျာ။ ကျွန်တော့် ခန္ဓာ ကို သူတို့တွေ ကျွန်တော်သေပြီး နောက်တစ်ရက်မှာမှ တွေ့တယ်။ ဖြစ်နိုင်ပါတယ်။ ကျွန်တော်က တံခါးဝမှာ စာကပ်ထားတာကိုးဗျ။ ကျွန်တော့် ခန္ဓာ ကို ကောင်းကောင်းမွန်မွန် သဂြိုလ်ပေးလို့ ကျေးဇူးတင်ပါတယ်။ ကျွန်တော့် နာမည်နဲ့ ပြတိုက်ဖွင့်ပေးတဲ့ သူငယ်ချင်း Robert Underwood Johnson ကို လဲ ကျေးဇူးတင်ပါတယ်။
ကျွန်တော် ခင်ဗျားတို့ကို မြင်နေရတယ်။ အော်… အက်ဒီဆင် နေ့တဲ့။ တစ်ကမ္ဘာလုံး မီးတွေ ဖျက်ပြီးတော့ ဂုဏ်ပြုကြတယ်။ အဲ.. လူငယ်တစ်ယောက်က သူ့ သူငယ်ချင်း ကို မေးနေတယ်။ ကျွန်တော့် နာမည်(တက်စ်လာ) ကိုသိလားတဲ့။ သူ့သူငယ်ချင်းက ပြန်ဖြေတယ်။ ဘယ်သူလဲ တဲ့။ ကျွန်တော် စိတ်မကောင်းပါဘူး။ ကျွန်တော့်ကို မသိလို့ မဟုတ်ပါဘူး။ ကျွန်တော် ထွင်ခဲ့တဲ့ တစ်ကမ္ဘာလုံးကို အခမဲ့ မီးအားပေးဖို့ ၀ိုင်ယာမဲ့ နည်းပညာ ကို နောက်လူတွေ ခုထိ ထပ်မထွင်နိုင်ကြလို့ပါ။ နောက်ပြီးတော့ တောင်းပန်ပါတယ်။ ကျွန်တော်သေတော့ ကျွန်တော့်နောက်မှာ အဲ့နည်းပညာက တစ်ခါတည်း ပါလာတယ်။ ခင်ဗျားတို့ အတွက် ကျွန်တော် မချန် ခဲ့ရဘူး။ ကျွန်တော့်ကို ခွင့်လွှတ်ပါ။
နီကိုလာ တက်စ်လာ (Nikola Tesla – 10 July 1856 ~ 7 January 1943)
(တက်စ်လာသေဆုံးခြင်း ၇၄ နှစ်ပြည့်အဖြစ် ခံစားရေးသားသည်။ သူဟာ ခေတ်သစ်ကမ္ဘာကို တီထွင်ခဲ့သူတစ်ဦးပါ။ ကမ္ဘာ့သမိုင်းတစ်လျှောက်မှာ အတော်ဆုံး လူသားတစ်ဦးဆိုရင်လဲ မမှားပါဘူး။သူ့ရဲ့ တီထွင်မှုတွေကို သူသေပြီး နောင် နှစ် ၅၀ လောက်ကြာမှသာ လူတွေ နားလည်လာကြပါတယ်။သူဟာ အက်ဒီဆင်ရဲ့ ကျေးဇူးရှင်သာမက တစ်ကမ္ဘာလုံးရဲ့ ကျေးဇူးရှင်တစ်ဦးလဲဖြစ်ပါတယ်။သူ့အတွက် ပိုက်ဆံ၊ ဂုဏ် ဘာမှ မလိုခဲ့ပါဘူး။ သူဟာ ကမ္ဘာကြီးပိုကောင်းလာအောင် လုပ်ပေးချင်ခဲ့တဲ့ လူတစ်ဦးသက်သက်ပါပဲ။)
-သာထက်အောင်
၇.၁.၂၀၁၄
